Abertura ba Tribunal Eclesiástico Interdiocesano Baucau e Maliana (TEI-BM) realiza iha loron 5 de Janeiro de 2023 iha Sede Provisoria nebe localiza iha Camara Eclesiástica Diocese Maliana. Tribunal Eclesiástico ne’e  rasik ereta husi Supremo Tribunal Assinatura Apostólica ho nia numero prot. 3434/2/21/SAT.

Tribunal Eclesiástico Interdiocesano ida ne’e nudar esforço maka’as husi Amu Bispo sira, liliu atu responde ba serviço pastoral do sacramento iha Uma Creda tuir lema Tribunal Eclesiástico nian nebe dehan  “Iustitia in Veritate”  Justica na verdade. Lema ida ne’e hetan nia fundamento husi Sagrada Escritura nebe  ho nia principio doutrinal mak “Salus Animarum Suprema Lex” katak Salvação klamar nian boot liu lei.

Natureza husi Tribunal Eclesiástico Interdiocesano Baucau e Maliana laos deit hare ba causa nulidade do matrimonio maibe tribunal refere iha competência atu julga causas penais ou contenciosas, exceto causa hirak nebe reserva ba Santa Sé.

Iha dinâmico de serviço Tribunal Eclesiástico Interdiocesano  tuir Decreto de ereção katak Baucau e Maliana sai hanesan Tribunal da Primeira Instancia no Segunda Instancia ba apelo husi Tribunal Metropolitana de Dili no Tribunal Metropolitana de Dili  sai hanesan segunda instancia ba Apelo husi Tribunal Interdiocesano Baucau e Maliana.

Iha Diocese Baucau iha mos camara de instrutoria atu nune’e bele atende sarani sira antes to’o iha Sede Principal nebe provisorio iha Maliana.

Durante Cerimonia de Abertura, Ministro do Tribunal Eclesiástico  perante moderador do Tribunal hala’o sira nia juramento de fidelidade ba oficio eclesiástico nebe Igreja fo fiar.

Ministro do Tribunal Eclesiástico Interdiocesano de Baucau e Maliana:  Pe. José Filipe nudar Vigário Judicial; Pe. Marçal Dias Ximenes nudar defensor do Vinculo, Pe. Deonisio F.D.G.Soares nudar Promotor da Justiça no Pe. Levinson Verdial nudar Chanceler e notário do tribunal.