CARITAS DIOCESANA BAUCAU ORGANIZA FORMAÇÃO KONA-BA MASCULINIDADE
Baucau_ Estudante sira hosi escola secundária São João Bosco Laga (ESSJB-Laga) simu formação hosi equipa formadores Caritas Diocesana Baucau kona-ba “masculinidade”, iha sala encontro escola nian iha dia 3 de Fevereiro de 2023.
Etimologicamente liafuan masculinidade mai hosi liafuan masculus (Latim), significa; mane ho ninia carater sira. Masculinidade mak atributo, comportametos no papel geral ba mane no labarik mane nebé mak influencia hosi factores social, cultural no ambiental.
Formação ne’e la’o loron ida deit maibé formando sira ativa teb-tebes tanba formador sira introduz no elabora tiha tópico em geral, sira fó kedas pergunta atu formando sira halo discução iha grupo no apresenta resultado discução nian, haktuir Pe. Mario Soares Carvalho, DirCDB.
Formação ida ne’e realiza tanba serviço hamutuk entre Caritas diocesana Baucau ho Caritas Australia ho objetivo atu hasa’e valor positivo kona-ba masculinidade atu nune’e jovem mane no mos feto sira sira bele comprende quadro legal no consequência sira uainhira comete acto jovenil pubercidades no acto violento nebe bele resulta hola malu sei kiik, sexu livre nst.
Formaçao nee hetan.participação husi fomando nain 35 (mane 13 no feto 22) iha ESSJB-Laga. Ho espetativa ita bele hasae conhecimento kona ba masculinidade hodi bl reduz volume violência ou ação negativa inesperadamente no ignorançia nebe bele mosu tanba joven sira menos conhecimento kona-ba realidade ida nee iha ita nia nação doben 
Timor Leste. -Red AS.