𝗗𝗜𝗢𝗖𝗘𝗦𝗘 𝗕𝗔𝗨𝗖𝗔𝗨 𝗘𝗡𝗧𝗨𝗦𝗜𝗔𝗦𝗠𝗔𝗗𝗢 𝗣𝗥𝗘𝗣𝗔𝗥𝗔 𝗦𝗔𝗚𝗥𝗔𝗖A𝗢 𝗘𝗣𝗜𝗦𝗖𝗢𝗣𝗔𝗟 𝗗𝗢𝗠 𝗟𝗘𝗔𝗡𝗗𝗥𝗢

𝗗𝗜𝗢𝗖𝗘𝗦𝗘 𝗕𝗔𝗨𝗖𝗔𝗨 𝗘𝗡𝗧𝗨𝗦𝗜𝗔𝗦𝗠𝗔𝗗𝗢 𝗣𝗥𝗘𝗣𝗔𝗥𝗔 𝗦𝗔𝗚𝗥𝗔𝗖A𝗢 𝗘𝗣𝗜𝗦𝗖𝗢𝗣𝗔𝗟 𝗗𝗢𝗠 𝗟𝗘𝗔𝗡𝗗𝗥𝗢 𝗠𝗔𝗥𝗜𝗔 𝗔𝗟𝗩𝗘𝗦

 

Papa Francisco hakotu ona tempo advento naruk ba Diocese Baucau hodi hein Dom Basílio nia sucessor. Advento naruk ne’e remata wainhira Pe. Leandro Maria Alves simu ho laran noemação nudar 2° Bispo ba Diocese Baucau. Sarani diocesano hotu reza ho laran besik tinan rua, ikus mai haksolok duni ho anúncio nebé fo sai iha dia 26 de Abril de 2023. Diocese Baucau haksolok boot hanesan loloos liafuan nebé contempla iha oração atu husu Bibi Atan foun; “lori ami ba wé-matan malirin no duut matak” hanesan rusa nebé descobre oase ida iha deserto advento nian.

 

Hafoin anúncio oficial, Administrador Diocesano Pe. Alipio Pinto Gusmão convoca kedas encontro badak ho nia Colégio Consultores (CC-red) atu trata assunto ruma se for preciso relaciona ho Cerimonia Sagração nebé sei mai.

 

Maibé tuir programa, liu tiha loron rua hosi data Anúncio, Bispo sira tenki halo visita Ad Limina ba Roma; iha nebé, Administrador Diocesano mós sei hola parte, nune’e nia delega hela competência ba Secretário CC Pe. José Gonzaga atu hola iniciativa hodi hahú processo preparação. Nia mós fo fiar ba nailulik _sesepuh_ Diocese Baucau nian; Padre Áureo Gusmão atu sai nudár conselheiro.

 

Nune’e iha dia 28 de Abril (katak liu deit loron rua depois de anúncio) Pe. José encaixa kedas assunto ne’e iha encontro UNIO DIOCESANA nian atu rona ideia diak ruma hosi padre sira.

Iha momento ne’e, nailulik sira ho unanimidade, concorda atu CC convida uluk peritos grupo kiik ida atu forma ideia, desenha programa, organiza plano no identifica ema sira nebé iha competência atu bele _handle_ serbisu nebé equipa desenha, antes de halo encontro alargado atu forma Comissão Organizadora.

 

Loron tuir mai CC hasai kedas convocatório ba Membro Governo Eclesiástico Diocese Baucau nian, Diretores Departementos iha Câmara Eclesiástica, Representante Congregações Religiosas no Párocos sira liu-liu ba sira nebé reside iha cidade Baucau Vila.

 

Encontro ne’e considera hanesan 1° Encontro. Realiza iha dia 1 de Maio, aproveita loron feriado ba Dia Mundial dos Trabalhadores.

Presente iha encontro ne’e membro Governo Eclesiástico Central Diocese Baucau nian. SecGer CC Pe. José Gonzaga, chanceler Pe. Áureo Gusmão ho nia Vice Pe. Dionisio Soares. Ecónomo Pe. Tomás de Aquino. Pároco Catedral Pe. Manuel Ximemes SDB. Pároco Vila Nova Pe. Benedictus Randung. Representante Casa Salesianas Pe. Adérito Vitor, SDB. Representante Casa Canossiana Me. Lucia de Deus FdCC. Representante Casa Vitoriana Me. Ana NSVN. Diretor Missio Pe. Salvador Florindo. Diretor Departemento Média e Comunicação, Pe. Dionisio Divo Sarmento. Diretor Departemento Juventude, Pe. Fulgêncio. Diretor Departemento Educação, Pe. Hipólito Soares no Pro-Diácono Canísio Carvalho hosi Tribunal Eclesiástico.

Hosi Departemento Cáritas Diocesana, Liturgia, Catequética la marca presença tanba ocupado ho serviço seluk.

Resultado encintro ne’e mak forma Equipa Coetus, Steering committee ou Comite Add Hoc hodi sai hanesan Team Núcleo nebé estuda (pemikir, perancang, perumus & penyusun) atu viabiliza desenho cerimônia tomak atu la’o oinsa.

 

Coetus, Steering committee ou Comite Add Hoc cria kedas Equipa Secretariado Técnico ba Apóio Administração ida nebé recolha ideia no halo resumo ba ideia sira nebé mosu. Secretariado nebé lidera husi Pe. Dionisio Soares ne’e consegue resumo acta ba ideias, decisão kona ba temático no mecanismo de celebração, job description, fatin, orçamento no desenho programa tomak.

 

Fahe tarrefa ba membro ida-idak atu desenvolve desenho programa nebé recolha ona. Me. Lucia ho Pe. Adérito Vitor, desenvolve desenho programa liturgia no música (nudár coração da Celebração). Pe. Salvador Florindo atu contacta entidades nebé competente kona ba fatin celebração (Aeroporto Lanud, Daresula ou Caravela) Pe. Dionisio Sarmento halo desenho técnico ba Palco Altar no Mapamento ba fatin celebração. Pe. Benedictus desenha programa logístico (consumo, acomodação, transporte no seguransa).

Pe Fulgêncio desenha programa recepção, animação, saúde no limpeza) no Pe. Tomás de Aquino desenha programa sira nebe iha relação ho finanças.

 

Hafoin halo tiha resumo básico nee Coetus Steering committee ou Comite Add Hoc decide atu encontro dala ida tan atu finaliza desenho programa nebé team designer ida-idak desenvolve antes halo convocatório ba encontro alargado.

 

Nune’e iha dia 5 de Maio realiza tan encontro Equipa Coetus Steering committee ou Comite Add Hoc dala ida. Iha Encontro ne’e acumula tan membro sira nebé la marca presença iha encontro anterior hanesan Pe. Nelson Freitas hosi Departemento Liturgia, Pe. Mário Cabral husi Gráfica Diocesana, Pe. Mário Carvalho hosi Caritas Diocesana no bintang tamu Pe. João Jerónimo nebé hetan convite especial hosi Steering committee ou Comite Add Hoc atu desenha programa kona ba recepção arte no cultura.

 

Objetivo encontro ne’e atu relata fali desenho programa nebé ema ida-idak desenvolve ona hodi bele apresenta área serbisu (secção) hira, identificação ba ema nebé competente atu handle serbisu refere. Ikus mai bele cria manual no job description final ida antes convoca encontro alargado ho entidades seluk.

Iha encontro ne’e consegue resulta provisoriamente manual de trabalho ida completo ho desenvolve desenho técnico ba fatin celebração nebé apresenta hosi Pe. Dionisio Sarmento. Nune’e mós desenho ba programa celebração tomak husi membro sira nebé mensiona iha leten.

 

Encontro ne’e hotu Equipa Coetus, Steering committee ou Comite Add Hoc continua halo kedas site visit ou Survey Lokasi ba fatin cerimônia tolu nebé identificado hodi konsulta lia ho responsável sira nebé tau matan ba fatin refere. Fatin sira ne’e mak: Aeroporto Baucau, Campo Daresula no espaço boot iha Caravela tetuk.

 

Equipa Coetus, Steering committee ou Comite Add Hoc matan monu kedas ba Aeroporto tanba preenche hotu kedas critérios nebé desenhado: acessível, luan ba cerimônia no estacionamento veículos, besik cidade no facilidades públicas, seguro tanba besik Quartel FFDTL, adequado ho tempo preparação nebé badak tanba sei la iha tan serbisu adicional. Hanesan serbisu preliminer sira atu halo preparação terreno virgem, aterragem, etc.

 

Tuir mai Equipa Coetus, Steering committee ou Comite Add Hoc hanesan kakutak ka motor sente seguro ona atu convoca encontro alargado ho entidades religiosas, Vigariarias forâneos, Paróquias, Congregações hotu inclui Governo local hosi Município hat nebé hola parte iha zona pastoral Diocese Baucau nian (Município Baucau, Município Manatuto, Município Viqueque no Município Lautém).

 

Nune’e iha dia 11 de Maio realiza Encontro Alargado. Encontro ne’e conta ho participação assembleia besik ema atus rua composto hosi agentes pastorais, entidades religiosas, líder governo no estado, militar, empresários, grupos categoriais no líder tradicional sira.

 

Encontro la’o ho ksolok no iha compreenção nia laran. Maibé assunto nebé sai polémica liu mak fatin celebração nebé seidauk hetan confirmação hosi parte competente. Liu-liu Aeroporto nebé sei precisa processo lubuk ida atu bele hetan licença.

Idea rua nebé tau iha discussão kona-ba fatin mak; se halo iha Aeroporto, sei gasta osan barak atu halo altar provisório no festa ba loron ida deit, hotu tiha la iha proveitamento no lembrança histórico hanesan Tasi-Tolu. Se halo iha área seluk hanesan Daresula ka Caravela, bele harí altar permanente hanesan Tasi-Tolu ba multiuso iha futuro.

Mosu tan mós alternativo seluk kona-ba terreno luan iha Teulale no terreno Diocese nian iha Seiçal ho luan besik 5 h (Terreno Seiçal ne’e uluk Pe. Tam, SJ halo to’os iha tempo ocupação)

 

Maski seidauk iha decisão no confirmação kona-ba fatin celebração maibé graças a Deus encontro ne’e remata ho sucesso tanba consegue forma Comissão Organizadora conforme critérios no desenho programa nebé Equipa Coetus Steering committee ou Comite Add Hoc prepara.

 

Hosi candidato sira nebé Equipa Coetus, Steering committee ou Comite Add Hoc prepara, Assembleia ho unanimidade fo fiar ba Pe. Manuel Ximenes, SDB., actual Pároco Catedral Baucau atu lidera comissão ba Sagração epicopal ba nia homólogo actual Pároco Catedral Dili nebé eleito Bispo.

(Relembra fali katak Pe. Manuel lidera uluk Comissão Eventual ba cerimônia fúnebre Bispo cessante Dom Basílio nian, nune’e diak tebes nia bele lidera fali comissão atu hatuur fali Bispo foun ida iha nia fatin). “_Missao no knaar hotu Maromak nian, ha’u pronto simu fiar nebé fo mai ha’u maski todan. Hau mak lidera hodi taka luhu matan ba Dom Basílio, ha’u mós contente bele lidera hodi loke fali luhu matan ba Dom Leandro_” katak Pe. Manuel hafoin hetan fiar.

 

Tuir mai identifica pessoal nebé compentente atu tur iha secções sira ho critério composição combinada entre Igreja, Governo no sociedade civil em geral hanesan empresário, militares, veteranos, lideres tradicionais, etc.

Presidente Comissão Organizadora (C.O) ajuda hosi Vice nain 3. Nain ida husi parte Igreja, nain ida husi parte Governo no nain ida husi Empresârio. Sira ne’e mak Pe. Benedictus Randung, Sr. Secretário Presidente Autoridade Municipal de Baucau no Sr. Estanislau da Costa.

 

Serbisu nebé identificado ona fahe ba Secção 16 (sanulu resin neen).

Husi secção 16 ne’e classifica fali ba Grupo Linha coordenação hat (4).

 

Classfica hanesan tuir mai nee. :

Presidente C.O Pe Manuel coordenador ba Secções: Secretariado (Pe. Mario Cabral e Pe. Deonisio Soares, SecPAM-Baucau) , Finanças (Pe. Hipólito Soares, Me. Freitas e Sra. Etelvina biavida) , Anggariação (Pe. José Gonzaga, CCITL) Liturgia (Me. Lucia de Deus e canossiana-CET). Música (Pe. Adérito.SDB e Pe. Nelson) Média e Publicação (Pe. Dionisio Sarmento, CI)

 

1° Vice Pe. Benny Coordenador ba Secções: Consumo (Pe. Tomás e Pe. Agnelo. MSS-RDTL) Logística (Pe Mário Carvalho e Pe. Dionisio Sarmento. EDTL). Transporte (Pe. Marçal Sequeira. OP-RDTL) Acomodação (Sr. Pedro e Sr António Bento. OP-RDTL). Animação (Pe. Fulgêncio, Pe. Isaias SDB. SEJD-RDTL)

 

2° Vice coordenador ba Secções: Decorações (Vig. Manatuto-Estatal) Arte e Cultura (Pe. João Jerónimo, SEAC-RDTL)

 

3° Vice coordenador ba Secções: Laudato Si/ Limpeza (Pe. David SDB, SAS. MEJD-RDTL). Sistema Sonoros (Pe. Trans e Pe. Sérgio, Estatal-RDTL) Segurança (Pe. Justiniano SDB, PNTL FFDTL) Saúde (Pe. Salvadoe e Dr. Evangelino. MS-RDTL.).

 

Iha encontro ne’e nia rohan, Equipa mesa presidensial, Gov Local ho Empresário sira desloca kedas ba survey fatin alternativo Daresula. Liu tiha loron ruma sira continua ho Econtro iha Dia 15 de Maio atu hare viabilidade plan B atu harí Altar Uma Laco permanente iha nebá. Maibe ida ne’e mós sei hasoru nafatin consideração lubuk ida.

 

Ikus liu encontro chefe Secções sira realiza iha Dia 16 de Maio hodi finaliza draft manual Job Description no consultação atu prepara encontro alargado ba dia 26 de Maio oin mai. Hodi hanoin mós preocupação lubuk ida nebé sei ocorre durante época da Semana de Elpar.

 

Bele dehan Equipa Coetus, Steering committee ou Comite Add Hoc ou Program Designer e C.O. ho ksolok boot finaliza ona program design tomak. Hein dt atu serbisu. C.O. planeia liu th loron Elpar C.O prontu halo visita cortesia no Encontro consultação ho Governo Central c.q Conselho Ministro, CET no Família Ermera Bononaro..

 

Ho Encontros preparativos nebé sura ba mai dala 7 (hitu) ona nee, situação iha Baucau nafatin calma ho espirito nebé nakonu ahi lakan tan ksolok. Diocese ho Diocesano tomak serbisu nonok ho entusiasmados atu simu nia na’i bispo foun. Hanesan Dom Bosco nia liafuan nebé famoso tebes “_serbisu ho nonók, husik resultado mak halo barrulho_” 🙂

(Team DMCS-DB.)