SEDE VACANTE
OINSÁ ATU HILI AMU PAPA
Tuir Documentos Universi Dominici Gregis, Praedicate Evangelium e Normas Nonnullas
Pe. Deonisio F.D.G.Soares
Introdução
Ho noticias triste nebé ita hotu sente lakon ita nia Bibi-atan Amu Papa Francisco liuhusi biban ida ne’e atan hau sei explica resumidamente kona ba saida mak Sede Vacante no processo Funeral Amu Papa nian to’o iha processo Concalve tuir documentos magisterio. Documentos hirak ne’e disponibiliza iha Sitos Vaticano: Universi Dominici Gregis, Praedicate Evangelium e Normas Nonnullas atu nune’e ita bele comprende tuir orientações sira nebe los no credivel.
Sede Vacante
Significado imediata husi liafuan Sede Vacante katak “Kadeira mamuk” no cadeira ne’e refere ba Catedra Sucessores dos apóstolos no sucessor de São Pedro. Consequência jurídica husi Sede Vacante ne’e acontece ho factos natural (mate) no bele mos ho rezinação esemplo concreto hanesan Amu Papa Bento XVI nian. Igreja Católica iha momento ida ne’e, ita hanaran Sede Petrinus Vacante ho ausencia permanente (mate)Amu Papa Francisco nian liuhusi comunicado oficial husi Cardeal Carmalengo (atualmente Cardeal Kevin Joseph Farrell) no hahu husi comunicado oficial ida ne’e mak aplica Apostolica Sede Vacans.
Saida mak acontese durante Sede Vacante
Durante Periodo Sede Vacante governo Igreja Católica administrativamente taumatan direita husi Colégio Cardeal mesmo nune’e Colégio refere la iha kbi’it ka poder jurisdição liliu kona ba questões sira nebé relaciona ho Amu Papa nia decisões sira no karik iha decisão balun nebé mak Amu Papa iha hanoin atu realiza, ho sede vacante hein Amu Papa foun mak bele confirma fali decisão hirak ne’e. Durante Sede Vacante estrutura Cúria Romana automaticamente cessa hodi hein Amu Papa foun maske nune’e faculdades ordinario nebe concede ona badiscatero sira bele continua administrativamente ba questões nebe la iha mudança qualitativo ad interim. Estrutura Cúria Romanan atual composto husi:
- Secretario do Estado (durante sede vacante hala’o kna’ar dentro do Colégio Cardeais)
- Dicastérios e organismo sira iha dicastero nia laran
- Departamentos Cúria Romana: Prefetura Casa Pontifícia, Departamento da Celebrações do Romano Pontifice no Camerlengo[1].
Durante Periodo Sede Vacante estrutura Cúria romana la iha ona estrutura. Tan ne’e dicastero no ofício nebe mantem no continua durante sede Vacante mak:
- Cardeal Camerlengo
- Penitencierie Maior
- Cardeal Vigário Geral ba Diocese Roma (tuir Constituição Apostólica Vicariae potestatis (n 2 1)
- Arciprete Basilica Vaticana
- Representantes Pontificia (Nuncio Apostolica)
- Esmoler do Papa nebe hala’o serico obra de caridade
- Supremo Tribunal Signatura Apostolica e Rota Romana[2]
Kna’ar Cardeal Camerlengo
Wainhira rona noticia kona ba Amu Papa nia mate:
- Kna’ar primeiro husi Cardeal Camerlengo hamutuk ho médico, mestre da Celebração litúrgica Pontificia, Secretário Amu Papa nian, Chanceler Câmara Apostólica verifica verasidade husi Amu Papa nia condição ikus no halo acta ida kona ba Amu Papa nia mate;
- Kna’ar Segundo mak Anúncio Oficial ba Pública kona ba Amu Papa nia mate nebé constitui Sede Vacante;
- Kna’ar terceiro mak tau ka marca sigilio ba Amu Papa nia serviço fatin sira no nia quarto;
- Kna’ar ba dala hat mak Comunica Oficialmente ba Cardeal Vigário Urbe (Roma) no Cardeal Urbe anúncio noticia ne’e ba povo romano. Hahu husi anúncio ida ne’e Cardeal Arciprete Basilica Vaticana, sei taumatan ba Palácio Apostólico Vaticano, Palácio Laterão no Palácio Castelo Gandolgo
- Kna’ar ba dala lima mak Cardeal Camerlengo comunica ba Decano Colegio Cardeal no Decano Cardeal sei comunica ba cardeal hotu-hotu iha mundo kona ba noticia Amu Papa nia mate ida ne’e no comunica mos ba Corpo Diplomático sira hotu nebe acreditado iha Vaticano no ba Chefe do Estado sira hotu iha mundo.
- Kna’ar ba dala neen mak tau matan no administra bens temporais sira Santa Sé nian ho tulun husi Cardeal Assistente nain tolu;
- Kna’ar ba dala hitu, hamutuk ho Colegio Cardeal prepara cerimonia funebre Amu Papa nian:
- Kna’ar ba dala ualu, prepara condição necessaria sira hotu ba processo conclave
- Kna’ar ikus mak anuncia Amu Papa foun nebe Cardeal eleitores sira hili durante conclave.
Cerimonia Exéquias do Romano Pontífice
Wainhira Amu Papa mate, depois de anúncio oficial husi Cardeal Camerlengo asistido husi cardeal nain rua ou tolu no tuir mai kedas Cardeal Camerlengo chave metin odamatan no assegura ho sigílio Amu Papa nia oficio ka serviço fatin sira no nia Quarto no fatin sira hotu nebe Amu Papa rai nia documentos ba no harahun anel nebe babain Amu Papa uja ba Documentos magisterio sira. Colégio Cardeal ho Cardeal Camerlengo no Cerimoniário Papal prepara Amu Papa nia condição hodi lori mai iha Basilica São Pedro atu ema hotu visita durante loron sia, sura husi Amu Papa nia mate. Cardeal sira celebra esequie em Sufrágio ba Amu Papa durante loron sia consecutivo tuir Ordo exsequiarum Pontificis no tuir Ordo rituum conclavis[3].
Wainhira Amu Papa nia isin mate halot iha Basilica Vaticano ou fora da Basilica Vaticano, documentos autentico sei compila husi notário da Basilica ou husi Canónico Arquivista. Tuir mai delegado Cardeal Carmalengo no delegado ida husi Prefeito da Casa Pontificia rai documentos hirak ne’e separadamente hodi fo autenticidade ba Amu Papa nia rate.
Wainhira halot tiha Amu Papa, sura husi Amu Papa nia mate durante quize dias Cardeal sira hahu processo ba conclave. Bele antes quinze dias no bele estende hodi hein presença cardeal sira maibe la bele liu vinte dias. Wainhira liu oa vinte dias cardeal eleitor sira nebe mak presente hahu ona conclave.
Poder Colegio dos Cardeais no Cardeal Eleitores durante Sede Vacante no preparação ba eleição.
Wainhira Sede Vacante (Kadeira mamuk) único Cardeal nebe seidauk completa 80 anos mak iha kbiit atu hili amu Papa durante conclave no Cardeal hirak ne’e iha voz ativa. Durante Sede Vacante colegio cardeal la iha kbiit jurisdição ba oficio sira liliu liga ho exercício da função ba oficio tutelado, hodi hein Amu Papa foun. Kbiit nebe iha único tutela ba Cardeal CARMALENGO (atualmente Cardeal Kevin Joseph Farrell) nebe iha responsabilidade máximo hodi assume responsabilidade administrativa liliu hodi hala’o nia função hanesan:
- Anuncio ba Publico kona ba Amu Papa nia mate no declara SEDE VACANTE
- Organiza transição durante Sede Vacante
- Organiza Conclave to’o iha eleição ba Papa foun
Amu Papa mate liu quize (15) dias hahu husi anuncio oficial kona ba Amu Papa nia mate hodi hein cardeal eleitor sira hotu iha mundo to’o iha Roma.
Durante Sede Vacante iha Congregação Cardial rua:
- Congregação Cardeal Geral
- Congregação Cardeal Particular.
Congregação Cardeal Geral obrigatoriamente tenke partecipa contitui husi cardeal hotu hotu nebe la iha impedimento no cardeal hirak ne’e iha direito atu hili Romano Pontífice. Cardeal sira hotu nebe hola parte iha congregação geral sei rai segredo tomak durante periodo concalve
Congregação Particular, constitui husi cardeal Camerlengo, no Cardeal tolu seluk nebe mai husi Cardeal eleitores sira nebe iha ona Roma. Oficio husi Cardeal tolu ne’e ou bolu nudar assitente hala’o sira nia kna’ar durante loron tolu no sira nia fatin sei continua husi cardeal nain tolu seluk nune’e to’o hetan Amu Papa foun.
Durante periodo eleiçãp questões sira nebe importante liu no necessario sempre coloca iha assembleia cardeal eleitores sira, no questões de menor importancia liu liu liga ho ordem do dia sira discute iha Congregação Particular do cardeal
Conclave
Etimologicamente liafuan conclave mai husi lian latim “Cum Clave” katak taka metin ho chave (chave metin odamatan). Conclave katak reuniao Colegio Cardeal sira nian iha fatin nebe taka metin odamatan hodi halo Eleicao ba Romano Pontifice no actual fati concalve mak iha Capela Sistina no Cardeal sira hotu nebe hola parte iha Conclave durante periodo concalve sira hela do Casa Santa Marta no la halo contacto ho ema liur inclui estaff sira hotu iha Vaticano[4]. Conclave ne’e organiza husi Cardeal Camarlengo no cardeal assistente nain tolu hodi hare ba ordem do dia. Cardeal hirak nebe participa iha conclave obrigatoriamente mantem segredo liuhusi juramento hodi halo abstinência ba buat hotu relação ho eleição ba Romano Pontifice (UDG.2)
Ordem do dia:
Depois de quize dias sura husi loron Amu Papa nia mate no máximo vinte dias hodi hein presença Cardeal eleitores sira, Cerimonia Concalve sei hahú iha dader hahu ho eucaristia votiva Pro elegendo Papa no iha loraik cardeal eleitores sira hotu halo procissão ba capela Sistina no canta musica veni creator. To’o iha capela sistina cardeal eleitores sira halo sira nia juramento. Depois de juramento maestro celebração litúrgica la’o mai odamatan hodi dehan liafuan Extra Omnesdepois taka metin odamatan.
Forma de Eleição
Norma sira kona ba eleição estabelece ona iha Universi Dominici gregis no único modo eleição mak per scrutinium katak cardeal leitores sira fo sira nia candidato liuhusi hakerek. Eleição refere precisa maioria pelo menos 2/3 votos husi total eleitores presente e votante. Durante eleição no votação mak seidauk hetan maioria sinal visível nebe ita bele nota mak suar metan nebe sai husi capela sistina. Durante eleição depois de três dias suspende scrutinio ba loron ida no dedica loron ne’e tomak ba oração no leitura espiritual, exortação espiritual depois mak continua fila fali ba eleição no votação.
Aceitação, Proclamação no Inicio do Ministerio[5]
Eleição ba Romano Pontifice ida ne’e, hanesan acto profundamente eclesial tamba hili sucessor de São Pedro iha nebe sarani tomak iha mundo rai klaran acompanha ho oração no fo fiar tomak ba Cardeal sira ho roman Espirito Santo nian.
Quando iha eleição canonicamente hetan ona maioria 2/3, Cardeal Decano sira bolu Secretário Colegio Cardeal, Mestre Celebracao Liturgica Pontifical, cerimoniario nain rua; Cardeal Decano ou Cardeal nebe idade liu em ordem cardinalicio lori cardeal eleitores sira hotu nia naran husu aceitação ba eleito ho liafuan Aceita ó nia eleição Canónica nudar Summo Pontífice? Wainhira simu tiha consenso ida ne’e perguntas tuir mai mak: Hakarak bolu o oinsa? Amu Papa eleito hili nia naran nebe uja durante pontificado. Wainhira Eleito dehan tiha nia naran, Mestre da Celebração Litúrgica nebe hala’o função nudar notariado no testemunho husi cerimoniário nain rua halo acta de aceitação ba Pontifice foun no naran nebe sei uja. Hahu husi ne’e sinal suar mutin ita hare iha kakuluk Capela Sistinan no cardeal Camerlengo Anuncio Amu Papa no tuir mai halo cerimonia no possesso canónica iha Basílica laterão.
[1] Const. Ap. Praedicate Evangelium n.13.
[2] Ibid n. 26
[3] Const. Universi Dominici Gregis n. 27
[4] Bento XVI, Normas Nonnullas n. 37, 43.
[5] Const. Universi Dominici Gregis n. 87